دەربارەی پاسەوان:

دیدگامان: ئازادی بەدەستهێنانی زانیاریی دروست لەپێناو چاكەی گشتیدا.

ئەركه‌كانمان: به‌ره‌وپێشبردنی سیاسەتەگشتییەكان –  گرتنەبەری شاڕێی توێژینەوە، شیکردنه‌وه و ڕاهێنان.

پاسەوان لە ساڵی ٢٠٢٠ دامەزراوە. ڕێکخراوێکی ناسیاسیی سەربەخۆی قازانج نەویستە. بێماندووبوون ئامانجەكانمان گرتووه‌ته ئه‌ستۆ له‌پێناو چارەسەرکردنی پرسە هه‌ره‌گرنگه‌كانی كۆمه‌ڵگه له هەرێمی کوردستانی عێراقدا.

ستاف و تیمەكانی پاسەوان بێماندووبوون و لێبڕاوانە تێدەكۆشن لەپێناو بەرژەوەندی گشتیی و لەرێگەی توێژینەوەو پرۆژەكانییەوە دەبنە بڵنگۆی دەنگی هاوڵاتیان و گەیاندنی بە بەرپرسان و دەسەڵاتدارانی هەرێم.

ئێمە دژ به زانیاری نادروست و ساختە هەواڵ ده‌جه‌نگین به‌وه‌ی له‌نزیكه‌وه‌ چاودێری سیستەمی ژینگه‌ی هەواڵ و زانیاریی هه‌رێمی كوردستان – عیراق ده‌كه‌ین. دڵنیاین لەوەی كە توێژینەوەی زرنگانه و داتای پڕواتا، سیاسه‌تداڕێژه‌ران و ڕابه‌ره سیاسیییه‌كانی تر و چالاكوانانی كۆمه‌ڵگه هانئه‌دات  بۆ هێنانه‌كایه‌ی گۆڕانکاریی ئەرێنی له كۆمەڵگەدا.

گومانی تێدانییە كە  كوردستانێكی بەهێز لەڕێی هەماهەنگی رێكخراوەكان و دامودەزگا گشتییەكان و پاڵپشتیكردنی پرۆسەی دیموکراسی و، بره‌ودان به‌ هاوڵاتیبوونی بەرپرسیار، لەم پێناوەشدا پاسەوان سەرنج دەخاتە سەر جومگە سەرەكییەكانی حكومڕانی لە هەرێمی كوردستان و عێراقدا،  بۆ بنیاتنانی دوارۆژێكی گەشتر و ژیانی شایستە بۆ هاووڵاتییان.

ئەو بەهایانەی ستافەكانی پاسەوان پێوەی پابەندن و هۆكارن بۆ سەركەوتن و گەشبینیمان پێدەبەخشن بریتین لە ، سەلامەتی، دەستپاکی، به‌رپرسیاری، کاری به‌كۆمه‌ڵ، ڕێزگرتن و کۆمەڵگه‌.

كاریی هەرەوەزی و بەكۆمەڵ هێز بە گۆڕانكاریی ئەرێنی دەبەخشێت، لەم سۆنگەیەوە پاسەوان دەبێتە بزوێنەری كاریی بەكۆمەڵ و هەرەوەزی لەپێناو پێشخستی كۆمەڵگەو دروستكردنی گۆڕانكاریی ئەرێنی تێیدا.

پاسەوان رێكارێكی پڕ شانازی پەیڕەودەكات بەوەی كە دەرفەتی یەکسان ده‌ڕه‌خسێنێت بۆ كارمەندەكانی بەبێ لەبەرچاوگرتنی ڕەگەز، تەمەن، نه‌ژاد، ئاین و په‌یوه‌ندیبوونی سیاسی.