خزمەتگوزاری

بواری خزمەتگوزاری

سیاسەتی گشتی

سیاسەتی گشتی و چاکسازییە جەوهەریەکان لە عێراق و هەرێمی کوردستاندا له‌ڕاده‌به‌ده‌ر ئاڵۆزن. ئەمەش سەرەڕای یارمه‌تیدانی لەلایەن   کۆمەڵگەی نێودەوڵەتییه‌وه بۆ بەهاناوەچوونی حکومەتی عێراق و حكومەتی هەرێمی كوردستان بۆ باشكردنی ئەدای حوکمڕانی و داڕشتنی سیاسەت.

لەم نێوەندەدا پاسەوان لە رێگەی ئەنجامدانی توێژینەوەی زانستیانەوە رێبازێكی نوێ بۆ پێشخستنی سیاسەتە گشتییەكان لە عێراق و هەرێمی كوردستان دەگرێتەبەر، پاسەوان بڕوای وایە چاكسازییەكان پشتبەستوو بە ئەنجامی توێژینەوەكان بەرهەمداردەبن.

ژینگە

بابەتێكی بایەخدار لە چوارچێوەی سیاسەتەگشتییەكاندا بەلای پاسەوانەوە بریتییە لە پاراستنی ژینگە و رێگریكردن لە كارەساتە ژینگەییەكان.لە پەتای كۆرۆناوە فیێربووین كە دەتوانین بەخێرایی خۆمان بگونجێنین و بگۆڕێین لەگەڵ دۆخی نوێی ژینگەییدا، تەنانەت ئەگەر دەرئەنجامەكانیش دژواربن، بەڵام هێشتا دەتوانین بۆ ماوەیەك چەند هەفتە یان چەند مانگێك دامەزراوە گشتییەكان دابخەین و خۆمان لە پەیوەندییە كۆمەڵایەتییەكان داببڕین و ئەگەر پێویست بكات شێوازی ژیانمان بە شێوەیەکی فراوان بگۆڕین، ئەمەش دەرخەری ئەوەیە كە هانده‌ری گۆڕانکارییە ئاساییه‌كان لەناوماندا ده‌شێت هه‌بن، هەر بۆیە، زانیاری بەنرخ و تێڕوانین و داتاكان سەبارەت بە گۆڕانی کەشوهەوا و کاریگەرییەکانی گرنگن بۆ پاسەوان.

هەڵبژاردنەکان

ئەگەر حكومڕانیی تەندرووست لەرێگەی سیستمی دیموكراسییەوە بێت، ئەوا هەڵبژاردن داینامۆی ئەو حكومرانییەتەیە، هەڵبژاردن سیستمی هاوسەنگییە، لە رێیەوە توانا و دەسەڵات دەدات بە هاوڵاتییان كە دەسەڵات هەڵبژێرن و بەهەمان شێوەش لەسەر دەسەڵات لایانبەرن ئەگەر وەڵامدەرەوەی خواستەكانی هاوڵاتییان نەبوون.

لەم سۆنگەیەوە پاسەوان بایه‌خێكی زۆر ئه‌دات بە ئەنجامدانی توێژینەوەی مەیدانی ناوخۆیی و شیكردنه‌وه‌ی داتای هەڵبژاردن. زانیارییه‌كان پۆلێن ده‌كات بۆ ده‌رئه‌نجامی زرنگانه و ئەنجامەکان بڵاوده‌كاته‌وه‌.

مافەکانی مرۆڤ

بابەتەكانی مافی مرۆڤ و ژینگە پارێزی، بەشێوەیەكی تەواو نزیك پەیوەستن بەیەكەوە و رووداوە ژینگەییەكان كاریگەریی تەواو لەسەر مافەكانی مرۆڤ دروست دەكەن.

داكۆكیكردن مافەكانی مرۆڤ لە عێراق و هەرێمی كوردستان لە ئەولەویەتی پرۆژەو توێژینەوەكانی پاسەوانە.

تێكچوونی ژینگەی هەواڵ و زانیاریی

ئەگەر راگەیاندنی بەرپرسیار و راستگۆ و راستەقینە گرنگی زۆری هەبێت بۆ كۆمەڵگە، ئەوا هەڵمەتەكانی بەلارێدابردنی بەمەبەست زانیاریی ساختە و چەواشەكارانە، تەواوی كۆمەڵگە دەشێوێنێت، كە لە ئێستادا بەشێوەیەكی فراوان تۆڕەكۆمەڵایەتییەكانی تەنیوەو میدیا فەرمییەكانیش لە هەرێمی كوردستان و عێراق بوون بە بەشێك لەم پرۆسەیە،  هەر ئەمەشە پاسەوان رێكخستنەوەی ژینگەی هەواڵ و زانیاریی لە هەرێمی كوردستانی عێراقدا كردووەتە بچینەی پرۆژە و كارەكانی و لەرێگەی توێژینەوەی بەردەوام و چاودێریكردنی ژینگەی گشتی هەواڵ و زانیارییەوە كار لەسەر بەرزكردنەوەی ئاستی هۆشیاریی گشتی دەكات و زیانەكانی ساختەهەواڵ دەخاتە روو.

ڕاگەیاندن

ئەگەر هەڵبژاردنەكان ئامرازی بەدیهێنەری دیموكراسی بن، ئەوا راگەیاندنی بەرپرسیار دەبنە بزوێنەری ئەو ئامرازانە بۆ بەدیهێنانی داهاتوویەكی باشتر.راگەیاندنەكان هۆكارگەلی گرنگن و بەدەسەڵاتی چوارەم ناودەبرێن، ئەوان هاوڵاتییان ئاگاداردەكەنەوە تا دڵنیابن لەوەی كه‌سانی گونجاو هەڵبژێرن لەپێناو چەسپاندن و دروستكردنی بڕیاریی دروست بەرەوە دوارێژێكی باشتر بۆ هەرێمی كوردستانی عێراق.

بلۆگەکان

پۆستە تایبەتەکان

شیکارییەکانمان

بڵاوکراوەکان

چانسی بەربژێرەکان لە هەڵبژاردنی ئەنجومەنی نوێنەرانی عێراقدا

چانسی بەربژێرەکان لە هەڵبژاردنی ئەنجومەنی نوێنەرانی عێراقدا

هه‌ڵبژاردنی په‌رله‌مانی عێراق له‌ 12/5/2018 ئه‌نجامدرا، هه‌ره‌وه‌ها له‌ هه‌مان ساڵدا هه‌ڵبژاردنی په‌رله‌مانی كوردستان له‌ 30/9/2018 ئه‌نجامدرا، له‌م راپۆرته‌ شیكارییه‌دا جیاوازی داتاو زانیارییه‌كانی هه‌ردوو هه‌ڵبژاردنه‌كه‌ ده‌خه‌ینه‌ڕوو پێشبینییه‌كانیش له‌سه‌ر بنه‌مای...

پلەی پشتبەستنی پەرلەمانتارانی هەرێمی کوردستان بە مێدیای نوێ

پلەی پشتبەستنی پەرلەمانتارانی هەرێمی کوردستان بە مێدیای نوێ

لەدوای کەمبوونەوەی هێز و ئاستی کاریگەریی مێدیای کلاسیک بەهەموو جۆرەکانییەوە، بۆ هەموو چین و دەستەکانی ناو کۆمەڵگا مێدیای نوێ بووە سەرچاوەیەکی گرنگ، گومانی تێدانییە کەسایەتییە سیاسییەکانیش بەدەرنەبوون لەو کاریگەرییانە و راستەوخۆ مێدیای نوێ رۆڵی هەبووە لە دەرخستن و...

ڕۆڵی میدیای ئه‌لیكرتۆنی كوردی له‌دروستكردنی وێناى (حه‌شدی شه‌عبی) لای خوێندكارانی زانكۆ

ڕۆڵی میدیای ئه‌لیكرتۆنی كوردی له‌دروستكردنی وێناى (حه‌شدی شه‌عبی) لای خوێندكارانی زانكۆ

له‌گه‌ڵ پێكهێنانى هێزى سه‌ربازیى (حه‌شدى شه‌عبى) له‌عێراق دا، میدیاى ئه‌لیكرتۆنى كوردى به‌گشتیى و ماڵپه‌ڕى ئه‌لیكرتۆنى(خه‌ندان) به‌تایبه‌تى؛ هه‌واڵ و زانیارى جۆراوجۆرى له‌سه‌ر ئه‌و هێزه‌ بڵاوكرده‌وه‌، به‌تایبه‌ت له‌سه‌ر هه‌موو ئه‌و ململانێ و گرژییانه‌ى ناوبه‌ناو...

یەکەم توێژینەوەی زانستی لەبارەی فەیک نیوز لە کوردستان: ‌حیزبەکان، میدیای سێبەر و سۆشیاڵ میدیا

یەکەم توێژینەوەی زانستی لەبارەی فەیک نیوز لە کوردستان: ‌حیزبەکان، میدیای سێبەر و سۆشیاڵ میدیا

حەکیم داود قەرەداغی: هەرێمی کوردستان هاوشێوەی هەموو جیهان رووبەڕووی ئاڵنگارییەکانی کامپەینی فەیک نیوز یان (هەواڵی درۆ) بووەتەوە. بەڵام ئەوەی کوردستان لە بەشێک لە وڵاتانی جیهان جیادەکاتەوە ئەوەیە حیزبە سیاسییەکان، میدیای فەرمی و سێبەری حیزب و بەشێک لە میدیای سەربەخۆش...

رۆڵی دەزگای چاودێری میدیایی، بۆ كەناڵەكانی تەلەڤزیۆن لە هەرێمی كوردستان

رۆڵی دەزگای چاودێری میدیایی، بۆ كەناڵەكانی تەلەڤزیۆن لە هەرێمی كوردستان

ئەم توێژینەوەیە بەناونیشانی (ڕۆڵی دەزگای چاودێری میدیایی،بۆ کەناڵەکانی تەلەڤزیۆن لە هەرێمی کوردستان) ە مەبەستی سەرەکی لەم توێژینەوەیەدا دۆزینەوەی ئەو ڕێگاو شێواز و چارەسەرییانەیە کە بۆ چاودێری جوڵەو ناوەڕۆکی پەیامی کەناڵەکانی تەلەڤزیۆن گرنگ و پێویستن نەک دروستکردنی...

ڕۆڵی پێگەکانی پەیوەندی کۆمەڵایەتی لە پێگەیاندنی کۆمەڵایەتیدا

ڕۆڵی پێگەکانی پەیوەندی کۆمەڵایەتی لە پێگەیاندنی کۆمەڵایەتیدا

ئەم توێژینەوەیە هەوڵ دەدات پەیوەندی نێوان چەمکەکانی (پێگەیاندنی کۆمەڵایەتی، هۆشیاری سیاسی، پێگەکانی پەیوەندی کۆمەڵایەتی) بدۆزێتەوە، پاشان ئاماژە بە سەرهەڵدانی پێگەکانی پەیوەندی کۆمەڵایەتی دەکات، بە مەبەستی دۆزینەوەی کاریگەری و گرنگی ڕۆڵیان لە پەیوەندییە کۆمەڵایەتیەکان...

میدیا

ڤیدیۆ تایبەتەکان

ڕاپرسی

ڕای گشتی

Elections

هەتا چەند متمانەت بەو هەواڵ و زانیارییانە هەیە کە ڕۆژانە لە میدیاکانەوە بڵاودەکرێنەوە؟